Fe fydd Llywodraeth Cymru yn cynnal dau ddigwyddiad ymgynghoriad cyhoeddus lle gallwch weld yr wybodaeth am gynllun arfaethedig ar gyfer gwelliannau i gyffordd ar hyd yr A483.
Fe fydd y digwyddiadau’n cael eu cynnal yng Ngwesty’r Ramada Plaza yn Wrecsam:
Ddydd Mercher, 23 Medi 2020, rhwng 10:00am a 20:00pm
Digwyddiadau galw heibio yw’r rhain, ac fe fydd yna arwyddion, mesurau cadw pellter cymdeithasol a system unffordd ar waith.
Fe atgoffir y cyhoedd i ddilyn canllawiau diweddaraf y llywodraeth os ydych chi’n mynychu’r digwyddiad yma, yn enwedig y canllaw newydd ar wisgo masgiau wyneb.
Fe fydd y digwyddiadau yma’n dilyn canllawiau diweddaraf Llywodraeth Cymru ar Covid-19. Gwiriwch wefan y cynllun cyn mynychu’r digwyddiad rhag ofn bod y digwyddiad wedi’i ohirio.
Cyffordd 3 (Ffordd Wrecsam): Mân newidiadau i’r gyffordd bresennol ynghyd â gwella dulliau teithio llesol
(Ffordd Rhuthun): Newidiadau mawr i’r gyffordd bresennol, yn cynnwys system gylchu newydd gan gadw’r drosbont bresennol dros yr A525, ynghyd â gwella dulliau teithio llesol ar hyd yr A525 ar draws yr A483.
Wrth i ysgolion, colegau a phrifysgolion ailagor, ac wrth i fwy o bobl ddychwelyd i’r gwaith y mis hwn, mae bywyd yn dechrau teimlo ychydig yn fwy ‘normal’.
Mae hynny’n beth da…ond yn beth peryglus hefyd.
Ar ôl chwe mis o gyfnod clo, mae’n teimlo’n dda i gael ychydig o’n hen arferion yn ôl yn ein bywydau…hyd yn oed os nad yw pethau’n union yr un fath ag o’r blaen.
Gallu dychwelyd i’r dosbarth neu i’r swyddfa. Gweld mwy o siopau, tafarndai a bwytai yn agor. Gallu mynd i ragor o lefydd a gwneud mwy o bethau eto. Mae’n rhyddhad i nifer ohonom.
Ond er bod bywyd yn ymddangos yn fwy normal ar yr wyneb, mae Covid-19 dal yma…ac yn effeithio ar bobl bob diwrnod.
Dywedodd y Cynghorydd Mark Pritchard, Arweinydd Cyngor Wrecsam:
“Os nad ydym ni i gyd yn chwarae ein rhan, fe allem ni fynd am yn ôl yn gyflym iawn…ac wynebu ail don.
“Os yw pethau’n mynd yn ddigon drwg, fe allem ni golli ein rhyddid eto…ac mae’r cyfnod clo lleol yng Nghaerffili yn brawf o hyn.
“Ond yn bwysicach fyth, gall rhagor o bobl golli eu bywydau.
“Felly peidiwch â difaru’r hydref hwn. Cadwch bellter cymdeithasol, a helpwch i gadw Wrecsam yn ddiogel.
“Bydd y penderfyniad rydych chi’n ei wneud yn cyfri.”
Efallai eich bod chi’n teimlo’n anorchfygol…ond beth am y bobl rydych yn eu caru?
Mae pryder nad yw pobl yn poeni am Covid-19 bellach, a’u bod wedi anghofio pa mor ddifrifol yw’r pandemig.
Dywedodd Ian Bancroft, Prif Weithredwr Cyngor Wrecsam:
“Mae’n bosib fod pobl yn diflasu neu’n rhwystredig gyda’r holl reolau, ac yn teimlo eu bod yn ddigon iach i ymdopi os ydynt yn ei ddal.
“Ond does neb yn anorchfygol, a gallent drosglwyddo’r haint ymlaen i bobl…gan gynnwys ffrindiau, teulu, teidiau a neiniau.
“Felly peidiwch â chymryd risgiau heb fod angen. Helpwch i gadw’r bobl rydych yn eu caru yn ddiogel. Helpwch i gadw pawb yn ddiogel.”
Beth yw’r pwynt os nad ydw i’n gallu cadw pellter cymdeithasol drwy’r amser?
Mewn rhai sefyllfaoedd – hyd yn oed gyda mesurau diogelwch ar waith – mae’n anodd cadw pellter cymdeithasol. Mewn swyddi penodol, er enghraifft.
Ond peidiwch ag ychwanegu at y risg.
Dywedodd y Cynghorydd Pritchard:
“Ceisiwch gadw’r siawns o ddal neu drosglwyddo’r feirws mor isel ag sy’n bosib. Cadwch ar wahân pan fo’n bosib.
“Eisiau rhoi braich ar ysgwydd neu law ar gefn eich ffrind neu gydweithiwr? Peidiwch. Efallai ei fod yn ddiniwed, ond fe allai helpu i ledaenu’r haint…a bydd rhywun yn rhywle yn dioddef.”
“Mae’r rhan fwyaf o bobl yn cymryd cadw pellter cymdeithasol o ddifri, a hoffwn ddiolch o waelod calon i bawb sy’n gwneud eu rhan.
“Bydd yr hydref yn gyfnod allweddol i Wrecsam, i Gymru ac i’r DU, ac wrth barhau i ddilyn y rheolau – cadw pellter cymdeithasol – gallwch chi wneud gwahaniaeth. “Gall pob un ohonom reoli diweddglo’r stori yma.”
Un peth arall…
Ar ddechrau’r wythnos, rhannodd Gweinidog Iechyd Llywodraeth Cymru Vaughan Gething enghraifft o ba mor hawdd gall y feirws ledaenu. Mae’n agoriad llygaid…
“Hoffwn rannu’r enghraifft hwn gyda chi o’r wythnosau diwethaf.
“Daeth criw o ffrindiau yn ôl o wyliau byr yn Ibiza’r mis diwethaf – daeth tri ohonynt yn ôl gyda’r coronafeirws.
“Pan ddaethant adref, trosglwyddodd un o’r grŵp y feirws ymlaen i’w bartner a’i Dad.
“Cynhaliodd aelod arall o’r grŵp barti ddiwrnod ar ôl cyrraedd adref lle daliodd pedwar o bobl coronafeirws.
“Trosglwyddodd un o’r rhain y feirws i’w frawd, ac fe drosglwyddodd o’r haint i’w ffrind trwy rannu car.
“Fe drosglwyddodd rhywun arall oedd yn y parti y feirws ymlaen i’w chwaer, a aeth ymlaen i’w drosglwyddo i ffrind ar noson allan.
“O fewn ychydig o ddiwrnodau i’r ffrindiau ddychwelyd adref, roedd gan 13 person coronafeirws.”
Os ydych chi eisiau rhoi gwybod i gwsmeriaid eich bod wedi ailagor yn ddiogel neu os ydych eisiau gweld arian yn llifo unwaith eto er mwyn sefydlogi eich busnes, gall Cyflymu Cymru i Fusnesau eich darparu chi â’r sgiliau digidol a chefnogaeth i ddiogelu eich busnes rŵan ac yn y dyfodol.
Mae cyrsiau ar-lein am ddim i’ch cynorthwyo chi i weithio’n ddoethach, hybu eich busnes a chystadlu ar-lein. Mae cyrsiau’n cynnwys; cadw’n ddiogel ar-lein, cyfryngau cymdeithasol sylfaenol, marchnata digidol uwch, gwefannau a gwella perfformiad.
Mae nifer o ddyddiadau a thestunau ar gael. I gael rhagor o wybodaeth am y cyrsiau sydd ar gael, ewch i busnescymru.gov.cymru
Unwaith eto, byddwn yn cefnogi’r Llynges Fasnach ar 3 Medi drwy chwifio’r Lluman Goch i anrhydeddu’r dynion a merched dewr a wasanaethodd yn y Llynges Fasnach yn ystod y ddau ryfel byd, a’ rhai sydd yn parhau i wasanaethu er mwyn sicrhau bod gennym gyflenwadau i gynnal ein gwlad.
Dioddefodd y Llynges Fasnachol ei golledion gyntaf un yn yr ail ryfel byd pan gafodd llong masnach yr S.S Athenia ei suddo â thorpido gan golli 128 o deithwyr a chriw, oriau yn unig ar ôl datgan rhyfel. Ers hynny, cydnabyddir y 3 Medi fel Diwrnod y Llynges Fasnach.
Yn anffodus, nid colledion yr Athenia oedd yr olaf, a dioddefodd cannoedd o longau a miloedd o forwyr yr un dynged yn y blynyddoedd i ddilyn.
Fel ‘cenedl ynys’ mae’r DU yn dibynnu ar forwyr y Llynges fasnach am 95% o’n mewnforion, gan gynnwys hanner y bwyd a fwytawn. Mae gan y DU y diwydiant porthladdoedd mwyaf yn Ewrop. Mae 75% o’n hallforion (yn ôl cyfaint) yn cael eu cludo o borthladdoedd y DU, gyda rhai ohonynt yn cefnogi’r ymgyrch i annog llongau sy’n ymweld i ganu eu cyrn am 10am ar 3 Medi.
Dywedodd y Cyng. David Griffiths, Cefnogwr y Lluoedd Arfog:
“Mae llawer ohonoch wedi neu yn dal yn i wasanaethu gyda’r Llynges Fasnach. Mae eich gwasanaeth ffyddlon yn deyrnged i’r gwasanaeth a’r cyfraniad anhygoel yr ydych yn ei wneud i’r economi genedlaethol. Ar y diwrnod hwn bob blwyddyn, talwn ein teyrnged iddynt a hoffwn gymryd y cyfle hwn i ddiolch i bawb sydd wedi, neu yn dal i wasanaethu gyda’r Llynges Fasnach.”
Fe allwch chi hefyd drefnu i gasglu cyfarpar diogelu personol o Ddepo Ffordd yr Abaty yr drwy wneud apwyntiad gyda’r Swyddogion Cludiant i’r Ysgol.
Pan fyddwch chi’n galw heibio, er mwyn diogelu pawb, bydd gennym ni fesurau cadw pellter cymdeithasol ac ati ar waith. Os hoffech chi wneud apwyntiad anfonwch neges at y tîm i: school.transport@wrexham.gov.uk
Mae’r Gweinidog Trafnidiaeth a’r Gogledd, Ken Skates, yn annog pobl i edrych ar yr opsiynau a ffefrir ar gyfer y gwelliannau ar hyd yr A483 yn Wrecsam ac i fynegi’u barn am y cynigion pwysig hyn.
Yr A483 yw un o’r prif ffyrdd cyswllt rhwng y Gogledd a’r De, a rhwng y Gogledd a Chanolbarth Lloegr. Mae’n ffordd bwysig i dwristiaid sy’n teithio i’r rhanbarth ac ar gyfer cludo nwyddau o Ewrop, y DU ac Iwerddon.
Mae angen y gwelliannau er mwyn lleihau’r tagfeydd wrth y cyffyrdd ar hyd yr A483 a lleihau’u heffaith ar economi Wrecsam a gweddill y Gogledd.
Mae’r cynigion hyn yn rhan o raglen o gynlluniau i wella’r mannau cyfyng sydd wedi’u cynnwys yng Nghynllun Cyllid Trafnidiaeth Cenedlaethol Llywodraeth Cymru a dogfen Symud Gogledd Cymru Ymlaen gyda’r nod o greu rhwydwaith trafnidiaeth dibynadwy ac effeithiol ar draws y rhanbarth ac ar draws ffin Cymru a Lloegr.
Mae’r cynigion ar gyfer yr A483 yn allweddol i’r weledigaeth hon a byddant yn bwysig i gefnogi llwyddiant y Gogledd yn y dyfodol.
Mae’r opsiynau a drafodir yn yr arddangosfa hon wedi bod trwy broses Arfarniad Trafnidiaeth Llywodraeth Cymru (WelTAG) a gafodd ei gynhyrchu yn unol â Deddf Llesiant Cenedlaethau’r Dyfodol. Mae’r Arfarniad yn cynnwys ystyried dulliau teithio, yr amgylchedd, diogelwch y ffyrdd, ansawdd aer a modelau traffig.
Caiff arddangosfeydd eu cynnal yn unol â’r rheolau ar Covid-19 yn Ngwesty’r Ramada yn Wrecsam ar 23-24 Medi. Fe welwch fanylion llawn yr opsiynau a ffefrir a’r ymgynghoriad ar-lein hefyd https://llyw.cymru/gwelliannau-cyffyrdd-3-i-6-yr-a483
(Ffordd Rhuthun): Newidiadau mawr i’r gyffordd bresennol, gan gynnwys system gylchu newydd sy’n cadw trosbont yr A525 ac yn ymgorffori gwelliannau teithio llesol ar hyd yr A525 ar draws yr A483.
Cyffordd 5 (Cylchfan Plas Coch / Ffordd yr Wyddgrug): Gwelliannau teithio llesol.
Dywedodd y Gweinidog Trafnidiaeth a’r Gogledd Ken Skates: “Mae’r gwelliannau hyn ar y darn hwn o’r A483 yn angenrheidiol. O adael y ffordd fel y mae, byddai’n amharu ar dwf Wrecsam a rhanbarth y Gogledd yn ei gyfanrwydd.
“Yn dilyn proses asesu drylwyr, mae’n dda nawr gallu cyhoeddi’r opsiynau a ffefrir ar gyfer y pedair cyffordd. Trwy’r cynllun hwn, rydym am wireddu cyfleoedd ar gyfer teithio llesol, gwella’r cysylltiadau trafnidiaeth gyhoeddus a gwella’r llif traffig a fydd yn arwain at wella ansawdd yr aer.
“Rwy’n pwyso ar bawb sy’n defnyddio’r A483 yn ardal Wrecsam i ddweud eu dweud am y cynlluniau hyn sy’n hanfodol i’r rhanbarth.
Dywedodd y Cyng David A Bithell, Arweinydd dros yr Amgylchedd a Thrafnidiaeth: “Mae’r A483 yn rhan hanfodol o’r rhwydwaith ffyrdd yn Wrecsam a’r Gogledd. Mae’n bwysig bod y gwelliannau’n cael eu gwneud i leihau’r tagfeydd er lles yr ardal. Byddan nhw hefyd yn gwella llwybrau Teithio Llesol yr ardal. Rhowch o’ch amser i gymryd rhan a mynegi’ch barn wrth Lywodraeth Cymru.
Bydd yr ymgynghoriad yn para tan 22 Tachwedd a disgwylir cyhoeddiad ynghylch yr opsiynau a ffefrir yng Ngwanwyn 2021. Yn amodol ar y prosesau statudol, gallai’r gorchmynion drafft gael eu cyhoeddi’n ddiweddarach yn 2021 gyda’r gwaith dylunio manwl yn cael ei wneud yn 2022.
Oes gennych chi fotel nwy yr ydych yn ei ail-lenwi i’w ddefnyddio ar gyfer barbeciw, stôf wersylla neu rywbeth tebyg?
Mae gan nifer o bobl y rhain gartref ar gyfer gwahanol bethau, ond mae’n rhaid cymryd gofal wrth storio, ymdrin neu wrth ddefnyddio poteli nwy.
Mae Swyddogion Safonau Masnach Cyngor Wrecsam yn archwilio digwyddiad diweddar yn cynnwys potel nwy yng ngardd gefn tŷ yn Wrecsam.
Bu i botel 10kg o nwy a oedd wedi’i gysylltu â’r barbeciw dorri ac achosi i nwy ddianc o’r botel.
Er nid oedd y nwy wedi cynnau (nid oedd y barbeciw yn cael ei ddefnyddio ar y pryd), ond roedd y grym o’r nwy oedd yn dianc yn ddigon i achosi’r botel a’r barbeciw oedd ynghlwm gael ei chwythu ar draws yr ardd a drwy ffens. Nid oedd neb yn bresennol ar y pryd a ni achoswyd unrhyw anaf i neb.
Mae archwiliadau brys yn parhau i edrych ar achos hyn ac i adnabod os oes unrhyw achos o bryder bod poteli eraill fel hyn o gwmpas.
Yn y cyfamser mae Safonau Masnach yn rhybuddio preswylwyr i sicrhau eu bod yn storio a defnyddio poteli nwy yn ddiogel.
Cadwch boteli nwy y tu allan (ddim yn y garej) Os nad yw’n bosibl, yna cadwch hwy mewn man sydd wedi’i awyru’n dda.
Cadwch nhw draw o fynediad/ man gadael adeilad.
Cadwch boteli ddigon pell o wres neu rywbeth all ei danio.
Cadwch hwy yn sefyll ac yn ddiogel rhag iddynt ddisgyn.
Peidiwch â’u storio mewn islawr neu seler.
Mewn tywydd poeth, cadwch hwy mewn cysgod i ffwrdd o oleuni haul uniongyrchol.
Mae Iechyd Cyhoeddus Cymru a Chyngor Wrecsam yn cynghori unrhyw un a ymwelodd â thafarn North and South Wales Bank yn Wrecsam rhwng 9 a 20 Awst i fod yn wyliadwrus am symptomau Coronafeirws.
Os bydd cwsmeriaid yn datblygu symptomau, waeth pa mor ysgafn, dylent hunanynysu ar unwaith a gwneud cais am brawf Coronafeirws drwy fynd i www.llyw.cymru/coronafeirws, neu drwy ffonio’r gwasanaeth ffôn cenedlaethol 119.
Mae’r cyngor yn dilyn nodi tri achos a gadarnhawyd ymhlith staff yn y dafarn. Nid oes tystiolaeth ar hyn o bryd o drosglwyddo i gwsmeriaid, ac nid oes achos wedi’i ddatgan.
Cysylltir ag unrhyw un sy’n bodloni’r diffiniad o gyswllt uniongyrchol â’r staff yr effeithir arnynt fel rhan arferol o’r broses ar gyfer Profi, Olrhain a Diogelu, ac mae cwsmeriaid yn cael eu cynghori i fod yn wyliadwrus fel mesur rhagofalus.
Dywedodd Dr Graham Brown, Ymgynghorydd Rheoli Clefydau Trosglwyddadwy ar gyfer Iechyd Cyhoeddus Cymru:
“Mae Iechyd Cyhoeddus Cymru yn gweithio gyda Chyngor Wrecsam i ymchwilio i dri achos o’r Coronafeirws ymhlith staff yn nhafarn North and South Wales Bank yn Wrecsam.
“Nid oes tystiolaeth o drosglwyddo i gwsmeriaid ar hyn o bryd, ond rydym yn cynghori unrhyw un a ymwelodd â’r dafarn rhwng 9 a 20 Awst i fod yn wyliadwrus am symptomau Coronafeirws a threfnu prawf ar unwaith os bydd symptomau’n digwydd.
“Mae nodi’r achosion hyn yn dystiolaeth bod y strategaeth Profi, Olrhain, Diogelu yn gweithio, ac nid oes achos wedi’i ddatgan.
“Wrth i ni symud drwy gam adfer pandemig y Coronafeirws, rydym yn disgwyl gweld clystyrau mewn gwahanol leoliadau. Rydym yn rheoli unrhyw glystyrau o’r Coronafeirws yn briodol, gan gynnwys drwy roi cyngor ynghylch atal a rheoli heintiau, a thrwy gynorthwyo’r broses o olrhain cysylltiadau lle y bo angen.
“Rydym yn atgoffa’r cyhoedd a pherchnogion busnes bod Coronafeirws yn dal i gylchredeg yn y gymuned. Mae gan bob un ohonom ran hanfodol i’w chwarae wrth atal Coronafeirws rhag lledaenu drwy ddilyn canllawiau o ran cadw pellter cymdeithasol – sef aros dau fetr i ffwrdd oddi wrth eraill – a golchi dwylo’n rheolaidd.”
Croeso mawr i’r ddau fusnes newydd sydd wedi agor ym marchnad Tŷ Pawb yn ddiweddar.
Mae Shabby Craft Box yn gwerthu pob math o eitemau wedi’u gwneud â llaw yn cynnwys clustogau, teganau meddal i blant, dalwyr drysau, dalwyr breuddwydion a llawer mwy! Gallwch hefyd bersonoli eich anrheg!
Siop sy’n gwerthu hen deganau a gemau cyfrifiadurol yw House of Retro. Nod y siop yw ailgysylltu pobl â breuddwydion eu plentyndod, mae’n gwerthu hen gemau Star Wars, Nintendo, Xbox, Playstation, SEGA a mwy…
Dywedodd y Cynghorydd Hugh Jones, Aelod Arweiniol Pobl, “Mae’n newyddion ffantastig fod masnachwyr newydd wedi agor yn Tŷ Pawb. Mae’r busnesau newydd hyn yn cydfynd â’r cynnig ardderchog sydd gennym eisoes ar y safle a hoffwn annog yr unigolion sy’n ymweld â chanol y dref i alw heibio Tŷ Pawb, maent yn siŵr o gael eu plesio. Hoffwn ddiolch i’r holl fasnachwyr a’r staff am weithio mor galed i sicrhau eu bod yn gallu agor yn ddiogel i’r cyhoedd.”
Dywedodd y Cynghorydd Terry Evans, Aelod Arweiniol Economi, “Mae’n wych gweld busnesau newydd yn agor yn Tŷ Pawb. Mae’n le gwych i fasnachu ac rwy’n edrych ymlaen at ymweld â’r busnesau’r newydd hyn y tro nesaf y byddaf yno. Hoffwn annog ymwelwyr â thref Wrecsam i alw heibio Tŷ Pawb a chael golwg ar y busnesau gwych sydd yno, yn cynnwys neuadd fwyd fendigedig a masnachwyr marchnad. Mae timau Tŷ Pawb a’r marchnadoedd eraill yng nghanol y dref wedi bod yn gweithio’n ddiflino i sicrhau diogelwch masnachwyr ac ymwelwyr.”
Edrychwch ar dudalen ein marchnad i weld rhestr lawn o fasnachwyr Tŷ Pawb. Dilynwch Tŷ Pawb ar: Facebook Twitter Instagram Cofrestrwch i gael y newyddion diweddaraf gan Tŷ Pawb
