Yn ddiweddar mae pobl sydd wedi adnewyddu eu casgliadau gwastraff gardd ar gyfer 2021/22 wedi bod yn cysylltu â ni i ddweud nad ydynt wedi cael eu sticer newydd.
Mae’r sticeri hyn bellach wedi eu hanfon ac yn dechrau cyrraedd cartrefi o amgylch Wrecsam, felly os nad ydych wedi cael eich un chi dros y dyddiau diwethaf, peidiwch â phoeni, bydd yn cyrraedd yn fuan iawn.
Diolch am fod yn amyneddgar
Meddai’r Cyng. David A. Bithell, Aelod Arweiniol yr Amgylchedd a Chludiant: “Hoffwn ddiolch i breswylwyr am fod yn amyneddgar wrth aros am y sticeri newydd. Rydym yn disgwyl i’r rhai sydd wedi cofrestru yn gynharach yn y flwyddyn gael eu sticer newydd dros y dyddiau nesaf, yn barod ar gyfer diwedd y mis. Dylai’r rhai sydd wedi cofrestru yn ddiweddar ganiatáu hyd at 10 diwrnod gwaith i gael eu pecyn sticeri newydd o’r dyddiad cofrestru.
- Cofrestru -
“Os nad yw eich sticer yn cyrraedd cyn eich casgliad cyntaf, rhowch eich bin allan ar y diwrnod casglu gan y gall ein criwiau ddefnyddio’r dechnegol yn eu cerbyd i weld os ydych wedi talu, er mwyn casglu eich gwastraff gardd. Diolch.”
Newidiadau i’r sticeri
Eleni, mae’r sticeri bin yn edrych yn wahanol gan nad ydynt yn dangos y cyfeiriad ar gyfer eich eiddo, ond peidiwch â phoeni ynglŷn â hyn.
Mae ein criwiau yn defnyddio’r dechnegol yn eu cerbydau i weld os yw eich eiddo wedi talu am y gwasanaeth, felly nid oes angen i ni gael y cyfeiriadau ar y sticeri pan fyddwn yn casglu’r gwastraff.
Rhowch eich sticer newydd ar gaead eich bin pan fydd yn cyrraedd. Diolch.
Adnewyddwch eich casgliadau bin gwyrdd ar-lein.
ADNEWYDDWCH EICH CASGLIADAU BIN GWYRDD
