Tynnwch y straen o barcio ar ddiwrnod gêm… mae digon o le i gefnogwyr barcio ym maes parcio a theithio Ffordd Rhuthun.
Mae gêm nesaf C.P.D. Wrecsam ddydd Sadwrn, Rhagfyr 13, pan fyddan nhw’n chwarae yn erbyn Watford – felly lledaenwch y neges bod parcio diogel, cyfreithlon ar gael am ddim gyda thocynnau bws ar gael o 50c yn unig!
Dyma’r manylion:
Wrecsam v Watford | Dydd Sadwrn, Rhagfyr 13 | cic gyntaf am 3pm
Cyn y gêm
Parcio y tu allan i swyddfeydd Cyngor Wrecsam ar Ffordd Rhuthun, Wrecsam LL13 7TU
Bydd bysiau’n dechrau rhedeg am 1pm
Ar ôl y gêm
Bydd bysiau’n gadael am 5pm, 5.20pm, 5.40pm, 6pm a 6.20pm o Ffordd yr Wyddgrug, y tu allan i’r Cae Ras.
Dim ond £1 am daith ddwyffordd i oedolion (50c i blant)
Maes parcio’n cau am 7pm.
Nod y gwasanaeth parcio a theithio yw atal tagfeydd yng nghanol y ddinas yn ogystal â pharcio anghyfreithlon a pheryglus ar ddiwrnodau gêm, sy’n achosi problemau i’r rhai sy’n byw ger y Cae Ras a’r rhai sy’n ceisio cael mynediad i ganol y ddinas i siopa.
Nod y gwasanaeth parcio a theithio yw atal y ddau beth hyn – mae traffig yn cael ei symud allan o ganol y ddinas ac mae eich car wedi’i barcio’n ddiogel ac yn gyfleus (cofiwch fod swyddogion gorfodi parcio o gwmpas ar ddiwrnod gêm!).
