Mae maes chwarae newydd i blant bach a phlant ifanc wedi agor ym Mannau Broughton.
Dewch i weithio ym maes gofal cymdeithasol, er mwyn eich cymuned.
Mae’r maes chwarae newydd wedi cael ei agor yn swyddogol ar ôl digwyddiad i’w lansio lle ‘roedd y Cynghorydd Beverley Parry-Jones a Chyngor Cymuned Broughton yn bresennol.
Yn y cyfleuster newydd mae offer chwarae yn cynnwys aml uned gyda llithrenni a wal ddringo, siglenni, dysglau troelli, si-so â sbring a mainc parc, yn ogystal â man ar gyfer chwarae anffurfiol.
Dywedodd y Cynghorydd Beverley Parry-Jones “Mae hi’n wych gweld y maes chwarae yma’n cael ei ddefnyddio gan blant lleol. Mae’r cyfleuster yma’n cael ei groesawu’n fawr yn y gymuned a dwi’n siŵr y bydd yn cael ei fwynhau am flynyddoedd lawer i ddod.”
Cafodd y cynllun ei ariannu gan daliad Adran 106 gwerth £30,000 a gafwyd gan y Datblygwr Tai i wella cyfleusterau i breswylwyr lleol.
Cynhaliwyd ymgynghoriad a gwaith rheoli gyda Chyngor Bwrdeistref Sirol Wrecsam ar y cyd â Chyngor Cymuned Broughton a roddodd adborth ynglŷn â pha gyfleusterau chwarae yr hoffent ei weld yn cael ei adeiladu i’r plant lleol ei fwynhau.
Cafodd y dylunio buddugol ei gynhyrchu gan HAGs-SMP a chafodd yr offer ei osod gan gwmni lleol o Wrecsam, ACE Play.
[button color=”” size=”large” type=”square_outlined” target=”new” link=” https://fynghyfrif.wrecsam.gov.uk/cy/service/care_jobs_in_wrexham”]DOD O HYD I SWYDDI GOFALU LLEOL[/button]
