Categori: Arall

Cadw’n gynnes tra’r ydych yn aros yn Shopmobility Wrecsam!
Erthygl gwestai o Gymdeithas Mudiadau Gwirfoddol Wrecsam
O’r 28 Tachwedd, gall aelodau o’r cyhoedd alw i mewn i Shopmobility Wrecsam i gynhesu, i gael diod gynnes a siarad gyda staff cyfeillgar o Gymdeithas Mudiadau Gwirfoddol Wrecsam os hoffent sgwrs neu gwmni – wrth aros am eu cludiant neu lochesu o dywydd y gaeaf.
Mae te a choffi am ddim ar gael o’r peiriant hunanwasanaethu, a darperir bisgedi ar sail y cyntaf i’r felin. Bydd y gwasanaeth hwn ar gael yn ystod amseroedd agor arferol Shopmobility, ar ddydd Llun a dydd Iau rhwng 10am a 4pm.
Dywedodd Dawn Roberts-McCabe, Prif Swyddog Cymdeithas Mudiadau Gwirfoddol Wrecsam: “Os oes unrhyw un eisiau man cynnes a diogel yn y gaeaf, mae croeso iddynt yn Shopmobility Wrecsam i fwynhau diod gynnes a chael cwmni cyfeillgar, ac i lochesu rhag oerni’r gaeaf tra eu bod yn aros am eu cludiant gartref – galwch heibio!”
Os yw’r cyhoedd yn dymuno rhannu pam eu bod eisiau man cynnes, bydd staff Cymdeithas Mudiadau Gwirfoddol Wrecsam yn barod i wrando ac yn atgyfeirio lle bo’n bosibl.
Os bydd aelodau’r cyhoedd angen cymorth neu gefnogaeth ychwanegol gyda chostau byw, bydd staff AVOW yn eu helpu i gysylltu â sefydliadau a all ddarparu cefnogaeth.
Tachwedd 22, 2022
Oes gennych chi blentyn yn y dosbarth derbyn?
Oeddech chi’n gwybod bod modd i bob plentyn yn y dosbarth derbyn yn ysgolion cynradd Wrecsam gael prydau ysgol am ddim bob dydd?
Enw’r cynllun yw ‘Prydau Ysgol am Ddim Cyffredinol’, a chafodd ei gyflwyno i bob dysgwr oedran dosbarth derbyn yng Nghymru ym mis Medi a bydd ar gael i bob plentyn oedran ysgol gynradd dros y 12-18 mis nesaf.
Cymorth gyda chostau byw – hawliwch yr hyn sy’n ddyledus i chi, lleihewch eich biliau, gofalwch am eich iechyd.
Os ydi eich plentyn yn y dosbarth yn y flwyddyn ysgol hon a’ch bod eisiau iddynt gael eu pryd ysgol am ddim yn yr ysgol, does dim rhaid i chi ymgeisio gan y byddant yn ei gael yn awtomatig.
Ydi eich sefyllfa wedi newid?
Os ydi eich sefyllfa ariannol wedi newid eleni, efallai y bydd yna gymorth ariannol ychwanegol yn ogystal â’r prydau ysgol am ddim.
Fe allai hyn fod ar ffurf cymorth gyda gwisg ysgol a chostau cyfarpar drwy Grant Datblygu Disgyblion, gwersi cerddoriaeth, tripiau ysgol a chymorth ariannol drwy wyliau’r ysgol (tan ddiwedd mis Mawrth 2023).
Rydym yn eich annog i lenwi ffurflen Prydau Ysgol Am Ddim ar ein gwefan rhag ofn y gallwch gael gafael ar ragor o gymorth i’ch plentyn.
O ran costau byw, gallai gwneud yn siwr eich bod yn hawlio yr holl gymorth a chefnogaeth y mae gennych hawl iddo wneud gwahaniaeth mawr.

[button color=”” size=”large” type=”square_outlined” target=”new” link=”https://www.wrecsam.gov.uk/services/cymorth-gyda-chostau-byw”] HAWLIWCH YR HYN SY’N DDYLEDUS I CHI [/button]
Tachwedd 21, 2022
Goroeswr canser y gwaed yn cwrdd â’r dyn a achubodd ei fywyd
Erthyl Gwadd – Gwasanaeth Gwaed Cymru
Fe wnaeth Robert Morgan oresgyn canser diolch i rodd mêr esgyrn a achubodd ei fywyd gan ddieithryn llwyr, Tom Heaven. Fe wnaeth y ddau gyfarfod am y tro cyntaf yn ddiweddar i lansio ymgyrch #AchubwrBywydCŵl Gwasanaeth Gwaed Cymru, gan annog mwy o bobl i ymuno â Chofrestr Rhoddwyr Mêr Esgyrn Cymru i helpu cleifion eraill mewn angen.
Wedi diagnosis yn 2017 gyda syndrom myelodysplastig, canser y gwaed anghyffredin sy’n atal y corff rhag creu celloedd iach, cymerodd Robert ran mewn treial clinigol cyn cael gwybod mai ei unig siawns o oroesi oedd derbyn trawsblaniad mêr esgyrn.
Cymorth gyda chostau byw – hawliwch yr hyn sy’n ddyledus i chi, lleihewch eich biliau, gofalwch am eich iechyd.

“Roedd hi’n sioc clywed y gair mawr. Y C Fawr. Dirywiais yn gyflym, es i’n flinedig ac chefais drafferth gweithio.” Meddai Robert o Aberbargoed.
Yn ffodus, roedd Robert yn un o’r saith claf o bob deg claf ledled y DU a lwyddodd i ddod o hyd i roddwr mêr esgyrn addas ar ei gyfer, diolch i ddieithryn llwyr sef Tom, 30 oed, o Ddinas Powys.
Cyn cyfarfod â Tom am y tro cyntaf, rhannodd Robert: “Heb y rhoddwr hwnnw, heb Tom, fyddwn i ddim yn sefyll yma nawr. Mae mor anodd disgrifio meddwl ‘Mae gen i gyfle’.
“Doedd gen i ddim syniad beth i’w ddweud. Fy meddyliau cyntaf oedd a ddylwn i ysgwyd ei law neu ei gofleidio a’i gusanu.
Ymunodd Tom â Chofrestr Rhoddwyr Mêr Esgyrn Cymru tra’n rhoi gwaed gyda Gwasanaeth Gwaed Cymru, ac mae’n gobeithio y bydd ei stori yn annog mwy o bobl ifanc 17 i 30 oed i ymuno.
Meddai Tom: “Pan wnes i roi gwaed am y tro cyntaf, roedd yn opsiwn ar ffurflen, ac fe wnes i ei dicio a rhoi samplau gan feddwl bod y siawns o gael eich paru yn brin iawn mae’n debyg. Ddwy flynedd yn ddiweddarach, ges i’r alwad i ddweud fy mod i o bosib yn cyfateb gyda chlaf.”
“Mae clywed ochr Robert o’r stori, gan wybod fy mod i wedi helpu i achub bywyd rhywun a gwybod eu bod nhw’n amlwg yn gallu treulio mwy o amser gyda’u teulu, yn beth da iawn, iawn.
Mae canserau gwaed yn atal mêr esgyrn y corff rhag cynhyrchu celloedd gwaed iach. Fel arfer, yr opsiwn triniaeth olaf i gleifion canser y gwaed yn dilyn radiotherapi a chemotherapi yw derbyn trawsblaniad mêr esgyrn.
Dywedodd Pennaeth Cofrestr Rhoddwyr Mêr Esgyrn Cymru, Emma Cook: “Mae’r siawns o gael eich dewis fel y gyfatebiaeth berffaith i glaf unrhyw le yn y byd yn hynod o brin, ond mae’r cyfle i ddod o hyd i gyfatebiaeth sy’n achub bywydau yn cynyddu wrth i fwy o roddwyr gofrestru.
Bob blwyddyn, mae dros 50,000 o gleifion ar draws y byd yn gobeithio dod o hyd i gyfatebiaeth mêr esgyrn addas gan roddwr sydd ddim yn perthyn.
Aeth Emma ymlaen i ddweud: “Fe allech chi fod yr un person a’r unig berson yn y byd a allai fod yn gyfatebiaeth – a dyna pam mae angen mwy o bobl arnom i gofrestru ar gyfer Cofrestr Rhoddwyr Mêr Esgyrn Cymru a chynyddu siawns claf o oroesi.
“Mae’n haws yn awr nag erioed i ddod yn #AchubwrBywydCŵl gan fod ‘na gyfleoedd i gofrestru o adref drwy becyn swab neu drwy roi gwaed.”
Mae dwy ffordd y gall plant 17 i 30 oed ymuno â Chofrestr Rhoddwyr Mêr Esgyrn Cymru, o’u cartref drwy ofyn am becyn swab wrth www.wbmdr.org.uk neu, fel Tom, ymuno drwy roi gwaed gyda Gwasanaeth Gwaed Cymru.
Gorffennodd Robert drwy ddweud: “Oni bai am Tom, fyddwn i ddim yma. Byddwn i wedi colli allan ar gymaint, gan gynnwys cwrdd â fy gorwyres.
“Ystyriwch ymuno â’r Gofrestr os allwch chi. Mae wir yn gallu achub bywyd rhywun.”
Os ydych rhwng 17 a 30 oed, gallwch gael gwybod sut y gallwch ymuno â Chofrestr Rhoddwyr Mêr Esgyrn Cymru drwy’r wefan  neu ffonio 0800 252 266.
O ran costau byw, gallai gwneud yn siwr eich bod yn hawlio yr holl gymorth a chefnogaeth y mae gennych hawl iddo wneud gwahaniaeth mawr.

[button color=”” size=”large” type=”square_outlined” target=”new” link=”https://www.wrecsam.gov.uk/services/cymorth-gyda-chostau-byw”] HAWLIWCH YR HYN SY’N DDYLEDUS I CHI [/button]
Tachwedd 21, 2022
Llwyddiant mawr i ddigwyddiad gwybodaeth a recriwtio gyda dros 100 o bobl yn mynychu
Yr wythnos hon, cynhaliwyd digwyddiad gwybodaeth a recriwtio arbennig yn Nhŷ Pawb. Roedd y digwyddiad, a gynhaliwyd gan y Bwrdd Iechyd Lleol mewn partneriaeth â Chymunedau am Waith a Mwy, Canolfan Byd Gwaith a Chyngor Bwrdeistref Sirol Wrecsam, yn galluogi pobl i ganfod mwy o wybodaeth am y timau cyfleusterau yn Ysbyty Maelor Wrecsam a’r cyfleoedd gyrfa sydd ar gael.
Daeth dros 100 o bobl i’r digwyddiad er mwyn canfod mwy o wybodaeth, ac roedd yn fodd i dîm cyfleusterau Ysbyty Maelor Wrecsam rannu mwy o wybodaeth am y gwaith y maent yn ei wneud i helpu gwasanaethau’r ysbyty i weithredu.
Cymorth gyda chostau byw – hawliwch yr hyn sy’n ddyledus i chi, lleihewch eich biliau, gofalwch am eich iechyd.
Llwyddwyd i gynnal y digwyddiad hwn drwy waith partneriaeth arbennig ac roedd yn galluogi i wneud 40 o atgyfeiriadau i’r cynllun.
Dywedodd y Cynghorydd Nigel Williams, Aelod Arweiniol Economi ac Adfywio: “Roedd y digwyddiad hwn yn llwyddiant mawr a gobeithio y bydd y cyntaf o sawl digwyddiad tebyg yn y dyfodol. Gall digwyddiadau fel hyn ei gwneud yn haws a symlach i bobl ymgeisio am swyddi ac, yn ei dro, gall hefyd ei gwneud yn haws i gyflogwyr recriwtio. Mae’n wych gweld enghraifft mor llwyddiannus o weithio mewn partneriaeth sydd eisoes wedi arwain at y bwrdd iechyd yn recriwtio ymgeiswyr ardderchog.”
Dywedodd Gwen Scotson, Rheolwr Cyfleusterau, Ysbyty Maelor Wrecsam: “Roeddem yn hapus iawn gyda faint o bobl a ddaeth i’n digwyddiad Recriwtio/Gwybodaeth am Gyfleusterau cyntaf ac yn ddiolchgar i’r ymgeiswyr arbennig a ddaeth i ganfod mwy o wybodaeth am y swyddi sydd ar gael gennym. Rydym eisoes wedi cynnig swyddi parhaol dros dro i nifer o ymgeiswyr llwyddiannus a byddwn yn gwneud mwy o gynigion am swyddi yn y diwrnodau nesaf. Roedd gweithio ar y cyd gyda Chymunedau am Waith a Mwy a’r Cyngor yn brofiad newydd i mi, ac rwy’n ddiolchgar iddynt am roi’r hyder i mi fynd ati i gynnal digwyddiad o’r fath.”
Mae’r Bwrdd Iechyd yn cynnig amodau gwaith ardderchog yn cynnwys hawl i dâl gwyliau hael (yn dechrau ar 28 diwrnod y flwyddyn a Gwyliau Banc ar gyfer staff sy’n gweithio 5 diwrnod yr wythnos), gwisg staff, cyfle i ymuno â Chynllun Pensiwn a thâl uwch am weithio dros y penwythnos ac yn ystod y nos. Am fwy o wybodaeth am y cyfleoedd swyddi sydd ar gael ar hyn o bryd yn Ysbyty Maelor Wrecsam ewch i Swyddi gwag | trac.jobs (wales.nhs.uk)
O ran costau byw, gallai gwneud yn siwr eich bod yn hawlio yr holl gymorth a chefnogaeth y mae gennych hawl iddo wneud gwahaniaeth mawr.

[button color=”” size=”large” type=”square_outlined” target=”new” link=”https://www.wrecsam.gov.uk/services/cymorth-gyda-chostau-byw”] HAWLIWCH YR HYN SY’N DDYLEDUS I CHI [/button]
Tachwedd 18, 2022
Cymorth gyda chostau byw – dewch o hyd i’r hyn y mae gennych hawl iddo
O ran costau byw, gallai gwneud yn siŵr eich bod yn hawlio’r holl gymorth a chefnogaeth y mae gennych hawl iddo wneud gwahaniaeth mawr.
Mae grantiau a budd-daliadau amrywiol a allai eich helpu â phethau fel cynhesu eich cartref, anfon eich plant i’r ysgol a thalu eich rhent.
Gallwch hefyd gael cyngor ar sut i leihau eich biliau tŷ, a gofalu am eich iechyd os ydych yn poeni am arian.
Yn ddiweddar, bu i Gyngor Wrecsam sefydlu gweithgor trawsbleidiol arbennig i roi cymaint â phosibl o gymorth i gymunedau lleol, ac mae’n annog pobl i fanteisio ar y cymorth sydd ar gael.
Hawliwch yr hyn y mae gennych hawl iddo
Gallwch ddod o hyd i wybodaeth ddefnyddiol ar wefan y cyngor ar www.wrecsam.gov.uk
Mae’n cynnwys gwybodaeth am fudd-daliadau a grantiau, argymhellion ar sut i leihau eich biliau tŷ, ymdopi â phryderon ariannol a materion cysylltiedig eraill.
Gallwch hefyd ffonio Canolfan Cyngor ar Bopeth am gyngor cyffredinol a thalebau banciau bwyd ar 0300 330 1178 (dydd Llun, Mercher a Gwener 9.30am-2pm).
Cymorth gyda chostau byw – hawliwch yr hyn sy’n ddyledus i chi, lleihewch eich biliau, gofalwch am eich iechyd.
Sesiynau galw heibio i gael gwybodaeth
Mae sesiynau galw heibio i gael cyngor, lle gallwch siarad â rhywun wyneb yn wyneb, hefyd yn cael eu cynnal mewn llyfrgelloedd ar draws y fwrdeistref sirol.
- Dydd Gwener, 18 Tachwedd 2022 – Llyfrgell y Waun, 10am – 2pm
- Dydd Gwener, 2 Rhagfyr 2022 – Llyfrgell Coedpoeth, 2pm – 5pm
- Dydd Gwener, 16 Rhagfyr 2022 – Llyfrgell Rhos, 11am – 3pm
- Dydd Gwener, 6 Ionawr 2023 – Llyfrgell Gwersyllt, 2pm – 5pm
- Dydd Gwener, 20 Ionawr 2023 – Llyfrgell Rhiwabon, 2pm – 5pm
- Dydd Gwener, 3 Chwefror 2023 – Llyfrgell Llai, 2pm – 5pm
- Dydd Gwener, 17 Chwefror 2023 – Llyfrgell Wrecsam, 10am – 2pm
Dewch draw i gael gwybod mwy am y cymorth sydd ar gael.
Ac os ydych chi’n denant tŷ Cyngor, gallwch fynd i un o’r digwyddiadau canlynol i gael cyngor ar arbed ynni, lleihau biliau, cyngor ar ddyledion a chymorth ariannol:
- Dydd Gwener, 18 Tachwedd – Canolfan Adnoddau Gwersyllt, 10am-1pm
- Dydd Llun, 21 Tachwedd – Canolfan Gymunedol Johnstown, 1pm-4pm
- Dydd Iau, 24 Tachwedd – Canolfan Hamdden Plas Madoc, 1pm-3pm
Cadwch yn gynnes
Gyda biliau tanwydd yn codi, mae llawer o bobl yn poeni am wresogi eu cartrefi’r gaeaf hwn.
Oeddech chi’n gwybod bod yr holl lyfrgelloedd cyhoeddus ym Mwrdeistref Sirol Wrecsam wedi agor eu drysau i ddarparu ‘Llochesau Cynnes’?
Mae’r rhain yn llefydd y gallwch fynd iddynt i gadw’n gynnes ac yn gyfforddus yn ystod y dydd.
Mae’r llyfrgelloedd sy’n cymryd rhan yn cynnwys Brynteg, Cefn Mawr, y Waun, Coedpoeth, Gwersyllt, Llai, Owrtyn, Rhos, Rhiwabon a Wrecsam.
Cymorth ymarferol i gymunedau
Dywedodd y Cynghorydd David A Bithell, sy’n cadeirio’r grŵp: “Mae’r argyfwng costau byw yn her anferth ac mae’n mynd i fod yn aeaf anodd i lawer o bobl.
“Dyna pam mae’r holl bleidiau gwleidyddol ar y Cyngor yn gweithio gyda’i gilydd i geisio darparu cymaint o gymorth ymarferol â phosibl i’n cymunedau.
“Dyna pam rydym yn darparu cymorth ychwanegol i Fanc Bwyd Wrecsam, Canolfan Cyngor ar Bopeth ac asiantaethau lleol eraill hefyd.
“Os nad ydych wedi gwneud eisoes, gwnewch yn siŵr eich bod yn gwybod pa gefnogaeth y mae gennych hawl iddo. Ewch ar wefan y Cyngor am wybodaeth, neu ewch i un o’n digwyddiadau galw heibio i gael cymorth a chyngor.”
O ran costau byw, gallai gwneud yn siwr eich bod yn hawlio yr holl gymorth a chefnogaeth y mae gennych hawl iddo wneud gwahaniaeth mawr.

[button color=”” size=”large” type=”square_outlined” target=”new” link=”https://www.wrecsam.gov.uk/services/cymorth-gyda-chostau-byw”] HAWLIWCH YR HYN SY’N DDYLEDUS I CHI [/button]
Grantiau Lleoedd Cynnes – mynegiant o ddiddordeb
Tachwedd 18, 2022
Wythnos Hinsawdd Cymru 2022 – mae newid hinsawdd yn effeithio ar bawb
Mae Wythnos Hinsawdd Cymru yn cael ei gynnal yn ystod wythnos 21-25 Tachwedd ac mae’n cynnig cyfle i ni gynnal sgwrs genedlaethol ar newid hinsawdd.
Mae’r wythnos yn archwilio’r gweithredoedd sydd eu hangen er mwyn lleihau allyriadau carbon a chreu mwy o wytnwch i effeithiau newid hinsawdd rydym ni eisoes yn eu profi ar draws Cymru.
Yn benodol, mae thema eleni yn canolbwyntio ar gyfraniad pwysig y gall y cyhoedd ei wneud i helpu i fynd i’r afael â newid hinsawdd.
Gallwch fynd i wefan Wythnos Hinsawdd Cymru i ddysgu mwy, a gallwch hefyd ddilyn #WythnosHinsawddCymru2022 i gael y newyddion diweddaraf yn ystod yr wythnos.
“Ychwanegwch eich cefnogaeth”
Dywedodd y Cyng. David A Bithell, Cefnogwr yr Hinsawdd: “Nid problem at y dyfodol yw newid hinsawdd, mae hi’n broblem argyfyngus sydd angen sylw yn gyflym. Gall fod yn hawdd meddwl ‘Dwi’n gwneud digon yn barod’, neu mai rhywun arall sy’n gyfrifol am hynny, ond mae hi’n amlwg y bydd angen ymdrech enfawr gan bawb ohonom, felly ychwanegwch eich cefnogaeth i’r ymgyrch os gwelwch yn dda. Yng Nghyngor Wrecsam, rydym ni’n parhau i wneud cynnydd da gyda’n Cynllun Datgarboneiddio, tra’n bod ni’n gweithio tuag at gyflawni carbon sero erbyn 2030.”
Cymorth gyda chostau byw – hawliwch yr hyn sy’n ddyledus i chi, lleihewch eich biliau, gofalwch am eich iechyd.
Ydych chi wedi llenwi ein harolwg newid hinsawdd? Mae amser yn brin…
Does dim llawer o amser ar ôl i chi lenwi ein harolwg newid hinsawdd a datgarboneiddio!
Fe fydd yr arolwg ar agor tan 30 Tachwedd a dim ond tua 5-10 munud sydd ei angen i’w lenwi, ac mae yna wobrau arbedion ynni gwych ar gael.
Bydd pobl sy’n llenwi’r arolwg ac yn gadael eu cyfeiriad e-bost yn cael eu cynnwys mewn cystadleuaeth gyda chyfle i ennill un o’r canlynol:
• talebau beic
• popty araf
• ffrïwr aer
• teclyn gwefru solar ar gyfer ffôn symudol
• tocyn blynyddol i Xplore!
Rydym ni’n gofyn i gynifer o breswylwyr â phosibl gymryd rhan, felly rhannwch gyda’ch teulu a ffrindiau os gwelwch yn dda.
LLENWI’R AROLWG
Mae ein harolwg newid hinsawdd ar agor, ac mae ‘na wobrau gwych i’w hennill hefyd!
Mae ymgynghoriad Llywodraeth Cymru ar agor
Mae gan Lywodraeth Cymru ymgynghoriad agored yn gofyn am eich barn ar ei strategaeth ddrafft i ymgysylltu gyda’r cyhoedd i weithredu dros newid hinsawdd.
Os hoffech chi gymryd rhan, bydd angen i chi ymateb cyn iddo gau ar 14 Rhagfyr.
Efallai y bydd angen i chi gyfeirio at ddogfennau’r ymgynghoriad wrth i chi ateb y cwestiynau (mae’r rhain ar gael i’w lawrlwytho ar wefan Llywodraeth Cymru).
Nid oes rhaid i chi ateb pob cwestiwn os nad ydych yn dymuno gwneud hynny, a gallwch arbed y ffurflen a’i llenwi yn nes ymlaen drwy ddarparu cyfeiriad e-bost.
YMATEB I’R YMGYNGHORIAD
O ran costau byw, gallai gwneud yn siwr eich bod yn hawlio yr holl gymorth a chefnogaeth y mae gennych hawl iddo wneud gwahaniaeth mawr.

[button color=”” size=”large” type=”square_outlined” target=”new” link=”https://www.wrecsam.gov.uk/services/cymorth-gyda-chostau-byw”] HAWLIWCH YR HYN SY’N DDYLEDUS I CHI [/button]
Tachwedd 17, 2022
Prosiectau Gerddi Cymunedol Wrecsam! Rydyn ni eisiau clywed gennych chi!
Fel rhan o’n prosiect sydd ar ddod rydym yn awyddus i gysylltu â gerddi cymunedol a phrosiectau tyfu yn Sir Wrecsam.
Bydd Gardd Gorwelion yn arddangosfa sy’n archwilio tyfu cymunedol ac amgen, mewn lleoliadau celfyddydol a di-gelfyddydol, fel ymatebion i argyfyngau cyffredin fel newid yn yr hinsawdd, tlodi bwyd, ynysu cymdeithasol ac unigrwydd.
Cymorth gyda chostau byw – hawliwch yr hyn sy’n ddyledus i chi, lleihewch eich biliau, gofalwch am eich iechyd.
Os ydych chi’n rhan o ardd gymunedol neu brosiect tyfu a hoffech chi gymryd rhan, cysylltwch â ni.
E-bostiwch enw eich prosiect a’ch manylion cyswllt i
typawb@wrexham.gov.uk
O ran costau byw, gallai gwneud yn siwr eich bod yn hawlio yr holl gymorth a chefnogaeth y mae gennych hawl iddo wneud gwahaniaeth mawr.

[button color=”” size=”large” type=”square_outlined” target=”new” link=”https://www.wrecsam.gov.uk/services/cymorth-gyda-chostau-byw”] HAWLIWCH YR HYN SY’N DDYLEDUS I CHI [/button]
Tachwedd 11, 2022
Peidiwch â chael eich twyllo wrth wneud cais am Daliad Tanwydd y Gaeaf
Os ydych chi’n gymwys ar gyfer taliad £200 Llywodraeth Cymru tuag at filiau tanwydd y gaeaf, mae modd gwneud cais yn awr – ond darllenwch ymlaen i ddarganfod y ffyrdd swyddogol o gyflwyno eich cais!
Yn anffodus, rydym wedi clywed am bobl ledled Cymru yn rhoi gwybod eu bod wedi’u twyllo i rannu eu manylion banc, gan gredu eu bod yn gwneud cais am daliad tanwydd y gaeaf, ac yna’n darganfod mai twyll ydoedd.
Dim ond dwy ffordd swyddogol sydd o wneud cais am Daliad Tanwydd y Gaeaf:
1. Gwneud cais ar-lein drwy dudalen Taliad Tanwydd y Gaeaf y cyngor
2. Os nad ydych yn gallu gwneud cais ar-lein, ffoniwch ni a gofyn i ni eich ffonio yn ôl. Yna byddwn yn llenwi’r ffurflen i chi dros y ffôn
Cymorth gyda chostau byw – hawliwch yr hyn sy’n ddyledus i chi, lleihewch eich biliau, gofalwch am eich iechyd.
Os ydych chi’n derbyn neges destun, e-bost, neu alwad ffôn nad ydych wedi gofyn amdanynt, peidiwch â rhannu gwybodaeth bersonol gan nad yw’r rhain yn ffyrdd dilys o gyflwyno cais. Gallwch roi gwybod i OfComm am y rhain drwy anfon y neges destun ymlaen, neu anfon neges destun gyda’r manylion at 7726.
Oes gennych chi aelod o’ch teulu, cymydog neu gyfaill nad ydynt yn defnyddio gwasanaethau ar-lein? Sicrhewch eu bod yn gwybod mai dim ond dwy ffordd swyddogol sydd o wneud cais er mwyn eu cadw’n ddiogel hefyd.
Eisiau gwybod a ydych yn gymwys am y taliad untro hwn? Mae rhagor o fanylion yn ein herthygl Gwirio i weld os ydych yn gymwys i hawlio £200 tuag at eich bil ynni.
O ran costau byw, gallai gwneud yn siwr eich bod yn hawlio yr holl gymorth a chefnogaeth y mae gennych hawl iddo wneud gwahaniaeth mawr.

[button color=”” size=”large” type=”square_outlined” target=”new” link=”https://www.wrecsam.gov.uk/services/cymorth-gyda-chostau-byw”] HAWLIWCH YR HYN SY’N DDYLEDUS I CHI [/button]
Tachwedd 1, 2022
Rydym yn chwilio am Gadeirydd Panel ar gyfer ein Panel Maethu, allwch chi lenwi’r swydd?
Mae’r Panel Maethu yn chwilio am Gadeirydd newydd.
Mae Gwasanaethau Gofal Cymdeithasol Cyngor Wrecsam yn chwilio i ddenu Cadeirydd ac Is-gadeirydd Panel Maethu newydd i gefnogi’r cyngor i ddarparu ei wasanaethau gofal maeth effeithiol.
Mae’r Cyngor yn cynnal nifer o baneli’r mis, a gall fod yn cynnwys pynciau amrywiol i’r nifer o asesiadau a gymerir. Gellir cyflawni’r gwaith, a delir drwy ffi, o gartref gan y cynhelir y paneli hyn dros y we.
Cymorth gyda chostau byw – hawliwch yr hyn sy’n ddyledus i chi, lleihewch eich biliau, gofalwch am eich iechyd.
Y mathau o bethau mae ein Cadeiryddion neu Is-gadeiryddion yn cyflawni yw:
• Paratoi ar gyfer cyfarfodydd panel, adnabod prif faterion a hysbysu’r cynghorydd panel os yw’r cais yn ddigonol ar gyfer ei gyflwyno i’r panel.
• Cadeirio cyfarfodydd o’r panel a sicrhau ei fod yn gweithredu yn unol â Rheoliadau a Chanllaw perthnasol a pholisiau a gweithdrefnau’r asiantaeth.
• Hwyluso cyfranogiad gweithredol o holl aelodau panel ac i sicrhau ystyriaeth lawn yn digwydd a darparu argymhellion eglur a chyda thystiolaeth dda, cofnodion ac eglur yn cael ei ddarparu sydd yn cofnodi unrhyw amheuaeth ddifrifol.
• Gweithio gyda’r panel a’r ymgynghorydd panel i sicrhau bod penderfyniadau allweddol yn cael eu cyflawni, megis os yw achos yn ddigonol i gael ei gyflwyno i’r panel, penderfynu ar bresenoldeb arsyllwyr neu gyfranogiad aelod panel sydd yn datgan diddordeb mewn achos, ac a fydd angen panel ychwanegol.
• Sicrhau bod uwch reolwyr yn ymwybodol o’r materion dan bryder, mewn perthynas ag achosion unigol ac mewn materion mwy cyffredinol a diogelu cyfrinachedd holl drafodaethau panel.
• Cefnogi recriwtio aelodau panel newydd, adolygu gyda’r cynghorydd panel am berfformiad aelodau’r panel, ac unrhyw ystyriaeth ynghylch terfynu penodi aelod o’r panel.
• Paratoi adroddiad blynyddol am waith y panel.
Bydd rhaid i’r Cadeirydd neu’r Is-gadeirydd gael Gwiriad y Gwasanaeth Datgelu a Gwahardd Uwch a chael profiad blaenorol naill ai’n bersonol neu’n broffesiynol o leoli plant gyda gofalwyr maeth, a phrofiad a sgiliau i gadeirio cyfarfodydd cymhleth i sicrhau cyfranogiad lawn o aelodau’r panel, a gwneud penderfyniadau ar y cyd, yn unol â deddfwriaeth/ rheoliadau perthnasol sy’n rheoli plant mewn gofal cymdeithasol a maethu. Bydd angen meddu ar gyfathrebu cryf a sgiliau rhyngbersonol yn ogystal â gwerthfawrogiad o’r effaith ar blant, ac ymrwymiad i gadw plant o fewn eu teuluoedd neu gymuned eu hunain pa fo’n bosibl os yw’n ymddangos er lles gorau’r plentyn.
I gael rhagor o wybodaeth am y cyfleoedd hyn, cysylltwch â fostering@wrexham.gov.uk
Mae’r Cyngor yn croesawu ceisiadau gan ymgeiswyr cymwys beth bynnag fo’u hil, rhywedd, anabledd, rhywioldeb, cred grefyddol neu oedran.
O ran costau byw, gallai gwneud yn siwr eich bod yn hawlio yr holl gymorth a chefnogaeth y mae gennych hawl iddo wneud gwahaniaeth mawr.

[button color=”” size=”large” type=”square_outlined” target=”new” link=”https://www.wrecsam.gov.uk/services/cymorth-gyda-chostau-byw”] HAWLIWCH YR HYN SY’N DDYLEDUS I CHI [/button]
Hydref 28, 2022
Ydych chi’n rhiant neu’n ofalwr ac eisiau rhannu eich gwybodaeth i helpu eraill?
Rydym yn chwilio am unigolion i wirfoddoli fel Cefnogwyr Rhieni i hyrwyddo’r ystod eang o wasanaethau sydd ar gael ar gyfer teuluoedd yn eu hardal leol.
Y syniad yw i alluogi rhieni i rannu eu profiadau cadarnhaol o wasanaethau i deuluoedd yn lleol er mwyn annog pobl i ymgymryd â’r gwasanaethau, gan gynnwys gofal plant, yn gynnar ac i chwalu unrhyw rwystrau.
Rydym yn chwilio am rieni sydd wedi defnyddio ac wedi elwa o wasanaethau yn Wrecsam a sy’n cydnabod sut mae’r gwasanaethau hyn yn helpu ac yn cefnogi rhieni eraill yn eu hardal leol. Rydym yn ymwybodol fod rhieni yn uniaethu orau gyda llais rhieni eraill sydd wedi wynebu’r un heriau a sy’n deall yr hyn sy’n eu hwynebu ar hyn o bryd.
Cymorth gyda chostau byw – hawliwch yr hyn sy’n ddyledus i chi, lleihewch eich biliau, gofalwch am eich iechyd.
Dywedodd y Cynghorydd Rob Walsh, Aelod Arweiniol y Gwasanaethau Plant: “Mae Cefnogwyr rhieni wedi bod yn llwyddiannus mewn rhannau eraill o’r DU ac mae’n wych i weld ein bod yn cychwyn y rhaglen yma yn Wrecsam. Mae rôl y cefnogwr rhieni yn hyblyg iawn a gall helpu rhieni i ddatblygu eu hyder cyn dychwelyd i fyd gwaith neu ymgymryd â rôl wirfoddol fwy dwys gydag elusen/sefydliad arall. Yn bwysicach mae’r wybodaeth sydd gan rieni a gofalwyr o’n gwasanaethau yn eu gwneud yn bobl ddelfrydol i ledaenu’r gair a helpu rhieni eraill sy’n chwilio am wybodaeth a gwasanaethau.”
Rôl y cefnogwr rhieni yw i gyfarfod a siarad gyda rhieni am wasanaethau lleol yn eu cymunedau. Fe allant rannu profiadau a chyfeirio at wasanaethau. Fe all eu profiadau cadarnhaol helpu eraill i gymryd y cam i ddefnyddio gwasanaeth y gallant fod wedi bod yn ansicr yn ei gylch yn flaenorol. Bydd hyfforddiant llawn yn cael ei ddarparu. Fe fydd y cefnogwr rhieni yn gweithio’n agos gyda Gwasanaeth Gwybodaeth i Deuluoedd Wrecsam sy’n darparu gwybodaeth, cyngor ac arweiniad i rieni, gofalwyr a gweithwyr proffesiynol.
Felly, ydych chi’n rhiant neu’n ofalwr sydd wedi defnyddio gwasanaethau plant a phobl ifanc yn lleol? Fe allai’r rhain gynnwys: addysg, cefnogaeth rhianta neu gefnogaeth i blant gydag anghenion ychwanegol, i enwi dim ond ychydig o wasanaethau. Os felly fe all hon fod y rôl wirfoddoli ddelfrydol ar eich cyfer chi. Fe ddylai’r rôl hon gyd-fynd yn rhwydd â’ch bywyd dyddiol ac fe fyddai’n fodd o roi rhywbeth yn ôl i’ch cymuned leol yn ogystal â rhannu eich gwybodaeth ynglŷn â gwasanaethau lleol gyda rhieni eraill.
Fe fydd sesiynau hyfforddi yn cael eu cynnal ar 14/15 Tachwedd o 9.30am-12.30pm. Mae’n rhaid archebu lle ymlaen llaw.
Os oes gennych ddiddordeb ac os hoffech fwy o wybodaeth am ein sesiynau hyfforddi nesaf, cysylltwch â parentchampion@wrexham.gov.uk.
O ran costau byw, gallai gwneud yn siwr eich bod yn hawlio yr holl gymorth a chefnogaeth y mae gennych hawl iddo wneud gwahaniaeth mawr.

[button color=”” size=”large” type=”square_outlined” target=”new” link=”https://www.wrecsam.gov.uk/services/cymorth-gyda-chostau-byw”] HAWLIWCH YR HYN SY’N DDYLEDUS I CHI [/button]
Hydref 27, 2022